सप्तरीके कंचनरुप नगरपालिकामे आई माथिल्लो आ तल्लो तटिय क्षेत्रमे अवस्थित सामुदायिक संघ संस्था सभक बैठक सम्पन्न भेल अछि । संयुक्त बैठकमे कंचनरुप नगरपालिका आ तिरहुत गाउँपालिकाके सामुदायिक संस्था सभक सहभागिता रहल छल । 

आरडिसी नेपालके आयोजन आ सेक्रेट काउ पिक्चरके सहयोगमे आयोजित बैठकमे विपद, बातावरण, जल वायु परिवर्तन तथा कृषि क्षेत्रमे समुदायके व्यक्तिसभद्वारा भोगल जाय वला समस्यासभ आ ओकर समाधानक विषयमे विमर्श कएल गेल छल । बैठकमे बाजैत सेक्रेट काउ पिक्चरके निर्देशक एन्ड्रयू मेजेस्वकी कृषि प्रविधिके अभावक कारणे पर्याप्त कृषि भुमि रहितो कृषि उत्पादन नहि बढि रहल कहैत कृषि प्रविधिके आवश्यकता उपर जोड देलनि । जलवायु परिवर्तनके सबाल मे अपनाद्वारा भरपुर सहयोगके प्रतिवद्धता सेहो ओ दोहरेलनि । कार्यक्रममे आरडिसी नेपालके कार्यकारी निर्देशक देव विलास यादव आरडिसी नेपालके सम्बन्धमे जानकारी करौने छल ।